Als Vorbereitig uf üsen Südamerika-Trip händ mir üs für es Höhetraining i de Lenzerheid entschiede, wo mir super Schnee- und Wetterverhältnis ahtroffe händ.

Und händ üs sehr über die verschiedene Bsüech gfreut.

D'Wetterussichte sind für die letscht Wuche leider nümme so guet gsi, so dass mir üsi Zelt in Churwalde scho am Mittwuch, 02.04.2008 abbroche händ. Somit isch au d'Ziit a de Hauptstross 104 z'End gange. Mir händ i dene 3 Johr sehr schöni Moment i de Heid dörfe gnüsse und wer weiss, villicht ........

16.08.2008
Jetzt isch es also sowiit. Morn um 07.45 hebt üsen Flüger richtig Madrid ab, vo wo mir am 12.15 mit de LAN 6151 uf Quito (Ecuador) flüged. Sit mir am Mittwuch vo de Heid zrugg cho sind, händ mir üs intensiv mit putze, poschte, packe und ab und zue au schlofe beschäftigt und händ natürlich au vo üsne Fründe und Familie Abschied gno. Am letschte Sunntig händ mir denn üsi Familie zum Brunch iglade und freued üs hüt Obig nomol zäme mit ihne üsen letschte Obig a de Hauptstross 15 usklinge z'loh.

Üsen nöchschte Itrag schicked mir denn über de Teich. Mir freued üs riisig und sind gspannt uf di nöchschte 4.5 Möned und all die Erlebnis wo uf üs wartet. Do bliibt üs jo nu no eis z'säge: Hola cerveza Real Madrid, machets guet und bis bald.